Lxiii

Faulx-Semblant dit cy vérité De tous cas de mendicité.

L'Acteur.

Vez-ci les cas especiaus; Se li hons est si bestiaus Qu'il n'ait de nul mestier science, Ne n'en desire l'ignorance, A mendiance se puet traire Tant qu'il sache aucun mestier faire Dont il puisse sans truandie Loiaument gaaingnier sa vie; Ou s'il laborer ne péust Por maladie qu'il éust, Ou por viellece, ou por enfance, Torner se puet en mendiance; Ou s'il a trop, par aventure, D'acoustumée norreture Vescu délicieusement, Les bonnes gens communément En doivent lors avoir pitié, Et souffrir le par amitié

Comment on peut son pain quêter, Quand on n'a de quoi subsister. Les cas en verrez tire à tire, Et n'y sera rien à redire, Des méchants malgré les discours, Car vérité hait les détours. Nul mieux que moi ne peut le faire, Car bien labourai cette terre.