Xc

C'est l'assault devant le chastel, Si grant que pieça n'y eut tel: Mais Amours, ne sa compaignie A ceste foys ne l'eurent mie; Car ceulx de dedans résistance Luy firent par leur grant puissance.

Formant à guerroier entendent, Cist assaillent, cil se deffendent; Cil drecent au chastel perrieres, Grans cailloux de pesans perrieres Por les murs rompre lor envoient; Et li Portiers les murs hordoient De fors cloies refuséices Tissues de verges pléices, Qu'il orent par grans estoties En la haie Dangier coillies; Et cist sajetes barbelées, De grans promesses empennées, Que de servises, que de dons, Por tost avoir lor guerredons, (Car il n'i entra onques fust Qui tout de promesses ne fust D'un fer ferrées fermement De fiance et de serement), Traient sor eus, et cil se targent, Qui de deffendre ne s'atargent:

Avait la trève outrepassée 16651. Avant que ne fût trépassée. Car il ne sut oncques longtemps Garder sa foi ni ses serments.