_Friedrich Von Hausen._

[Scherer D. 154, E. 146.]

Aus einem ritterlichen Geschlecht, war mehrfach in Italien, nahm an dem Kreuzzug Friedrich Barbarossas 1189 Theil und kam auf diesem um, 1190. Herausgegeben in Minnesangs Frühling, Nr. 8.

Mîn herze den gelouben hât, solt ich od ieman bliben sîn, durch liebe od durch der Minnen rât, sô wære ich noch alumbe den Rîn, wan mir daz scheiden nâhe gât, deich tete von lieben friunden mîn. swie ez doch dar umbe ergât, got hêrre, ûf die genâde dîn sô wil ich dir bevelhen die die ich durch dînen willen lie. Ich gunde es guoten frowen niet daz iemer mêre kœme der tac daz si dâ heime heten liep: wan ez wære ir êren slac. wie kunde in der gedienen iet, der gotes verte alsô erschrac? dar zuo send ich in disiu liet, und warnes als ich beste mac. sæn si mîn ougen niemer mê, mir tæt iedoch ir laster wê.