Es ist mir ein ringú klage

Es ist mir ein ringú klage dc ich si so selten sihe der ich alle mine tage gv̊tes iach vnd iemer gihe mir ist niender anderswa wirs danne da mime libe get zena ich en möhte erwerben dc das si also sehe dc si min zefrúnde veriehe mir tv̊t ir frömeden anders bas

Gv̊ter wibe selekeit fröite noch dc herze min nieman ist in bas gereit das sol lange stete sin ich wil ir lieb mit liebe tragen ze minen tagen vnd ir leit mit leide klagen nieman sol ir lobes gedagen swc wir rehtes werben vnd dc wir man noh nien verderben des svln wir in genade sagen