Ich wolte gar von fröiden gan

Ich wolte gar von fröiden gan do troste mich ein roter mvnt er seite ich solte in fröiden stan er wolte machen mich gesvnt tröstet er das herze min mit also fröidericher tat ahý wer wolte ich danne sin

Sich solte fröwen wol min lib vnd solte miner eren pflegen gebe dc ein minnekliches wib so wolt ich sorgen mich bewegen ir munt der ist so stete gar sit er dis gesprochen hat das er vor sorgen mich bewar

Ja richer got wie sanfte es tůt den grüsset wol ein lieblich wib dem wirt so fröidenrich der mv̊t dc herze vnd ǒch der sine lip hoh vf gen den lúften var sin mv̊t der flúget also ho alsam der edel adelar