Selig si min libú frowe

Selig si min libú frowe dú mir fröit dc herze mit dien sinnen mir tůt wol swenne ich si schowe von ir güte mag ich heil gewinnen si ist gar min trost vúr sende not vnd ǒch vúr vngemůte ir schöne lengert mir den tot des bit ich got ir reinen lib behüte

Ich fröwe mich dc ich mag gedenken swenne ich wil der herzelieben frowen si kan sendes truren krenken mir tůt wol swenne ich ir lip sol schowen ir brune bra ir ǒgen klar ir mvnt reht als er glüte swi verre ich si ich wúnsche ir dar vnd bite got ir reinen lib behüte