Lassen wir die blůmen rot beliben

Lassen wir die blůmen rot beliben die sint verdorben des ist niht zelang singen von den minneklichen wiben nah einer ie min sendes herze rang dú sol sich bedenken bas in ir herzen ist dú liebe mir gehas dc wende vrowe ich diene dir iemer deste bas

Ich höre sagen im si wol zemv̊te der tǒgenlicher minne enpflege der sol sich nv warnen gegen der hůte ich han bi liebe nie gelegen da von enrůche ich wenne es tagt minen mv̊t ich wenden mv̊s von einer magt ia enrůche ich wc der wahter an der zinne sagt

Liebes lieb gedenke an wiblich ere vnd wende mir min vngemach des han ich von tage ze tage ie mere sit ich dich vrowe alrerst an sach din vil rose varwer mvnt der hat in dc herze sere mich verwunt dc wende frowe alder ich bin iemer vngesvnt