On voit mourir toute chose animee…

On voit mourir toute chose animee, Lors que du corps l’ame sutile part : Ie suis le corps, toy la meilleure part : Ou es tu donq, ô ame bien aymee ?

Ne me laissez pas si long tems pamee, Pour me sauuer après viendrois trop tard. Las, ne mets point ton corps en ce hazart : Rens lui sa part et moitié estimee.

Mais fais, Ami, que ne soit dangereuse Cette rencontre et reuuë amoureuse, L’acompagnant, non de seuerite.

Non de rigueur : mais de grace amiable, Qui doucement me rende ta beaute, Iadis cruelle, à present favorable.