German poem
Im Meza 82ge
by Michel Buck (1832–1888)
Voardussa isch as stubalô, Der Himmel wia im Sommer blô. Der Stork schwimmt stolz dött in der Haih, Aß wia a Schiff im Bodasai.
Und d Imahösla sind schau’ geal Von Hasel- und Palmkätzlameahl. A woicher linder Früahlingsluft Trait ussam Busch da Veiladuft.
Im Mezastaub springt rum der Bua, Halbnacket, und er kriagt it gnua – Gib Acht, daß di der Mez it packt Und s Schwänzle von deim Hemmat hackt!