Marie, qui voudroit vostre nom retourner

Marie, qui voudroit vostre nom retourner, Il trouverait aimer : aimez-moy donc Marie, Vostre nom de nature à l’amour vous convie. Pecher contre son nom, ne se doit pardonner. S’il vous plaist vostre cœur pour gage me donner, Je vous offre le mien : ainsi de ceste vie Nous prendrons les plaisirs, et jamais autre envie Ne me pourra l’esprit d’une autre emprisonner. Il fault aimer, maistresse, au monde quelque chose. Celuy qui n’aime point, malheureux se propose Une vie d’un Scythe, et ses jours veut passer Sans gouster la douceur des douceurs la meilleure. Hé qu’est-il rien de doux sans Venus ? las ! à l’heure Que je n’aymerai plus, puisse-je trespasser.