Des Béguines

En riens que Béguine die N’entendeiz tuit se bien non ; Tot est de religion Quanque hon trueve en sa vie : Sa parole est prophécie ; S’ele rit, c’est compaignie ; S’el’ pleure, dévocion ; S’ele dort, ele est ravie ; S’el’ songe, c’est vision ; S’ele ment, non créeiz mie.

Se Béguine se marie, S’est sa conversacions : Ces veulz, sa prophécions N’est pas à toute sa vie. Cest an pleure et cest an prie, Et cest an panrra baron. Or est Marthe, or est Marie ; Or se garde, or se marie, Mais n’en dites se bien non : Li Rois no sofferroit mie.