Wol ab der kv́nig der git v́ch niht

Wol ab der kv́nig der git v́ch niht wol ab er lat v́ch bi im vressen hant ir iht wol ab sin hervart wirt ein niht wol ab swas er geheiset dast ein spel wol ab enrůchet wien es im ergê wol ab er gebe es sinen kinden ê wol ab si bedorften dannoch me wol ab si waren an gv̊te gar zehel wol ab sin kv́nne das ist arn wol ab dc wil er an v́ns ersparn wol ab ê sin geslehte erkrvphet wirt wol ab so sin wir verirt wol ab so wirt dem brater harte kleinen