Walt hat sich mit kleiden schöne gestetet

Walt hat sich mit kleiden schöne gestetet er hat vf gesezzet mangē stolzen kranz hi wiē dem dv́ heide wider gegestet dv́ hat angeleit r schöne wnder swanz da bi hort man dc gefúgel vf schellen sam sú harpfen wellen da zevelde ist wilde fröide rehte ganz

Ich mag wol von wilden fröiden singē leider mir wil alle fröide wilde sin vogel sang kan mir nit fröide bringen mich fröit weder lǒp noch gras noch blůmen schin schellich has in walde vn̄ vf gevilde wart nie gar so wilde als min fröide ist ǒwe liep dv́ schvlde ist din

Trut nv kvppelst· alle mine sinne liep nv ist dir doch bendic aller min gedanke tů mir fröide bendic trutarinne dar zů hort nit kvpel wan din ermel blank trutes trut min liebes liep ein ende mir zimt keī gebende ganze fröide wan din werder vmbevang