Swas dú werlt nach fröiden ie vf hohen mv̊t gewarb

Swas dú werlt nach fröiden ie vf hohen mv̊t gewarb sine werbe ǒch noh dc ist alles ein niht wan dc nie gar in sende leit an mir verdarb von maniger frömder vngeschiht so fvnde ich dc des ich mich noh wol verwene an minem mv̊te dc ich mich nie gefröite bas geshe ǒch mir von der vil werde lebende iht zegv̊te

Wol gedingen vnd ie doh niht vollen wol geleben so fúrhte ich vil lihte ein ende nemen der selbe trost ist mir ze miner not gegeben sol dc der lieben wol gezemen so wundert mich sol ich zwiuellicher fröide an si gedingen so sol si bc bedenken sich ich enkvnde von den meren niemer gůtes niht gesingen

Swer zúrnet so dc es gat vúr die ere hin der vbersiht der wisen rat sol úwer dienst verlorn an mir einen sin so were ǒch dc ein missetat vergêsset ir dur dc eine der vůgen ob ich an iv eine vůge tete so wene ich were besser mir ich hete iv lieb danne ich den haz von schulden vf mir hete