Wol mich hút

Wol mich hút· vnd iemer me· ich sah ein wip der ir munt von röte bran sam ein fúr in zunder ir wol trútelechter minneklicher lip het mich in den kvmber bracht· von der minne ein wunder Wunder· an ir schöne hat got nit vergessen ist es recht als ich es han gemessen so hat si einen roten roten gessen

So ist der eine der des nit were wert das das er leg vf reinem strǒ· der trút ir wiplich bilde so ist der ander der des todes dvr si gert vnd zv̊tz zallen marsen vert· dem můs si wesen wilde heýa got wie teilst so vngenliche ist er hesssúlich so ist si minnenkliche was solt der túvel· vf das himilriche

Herre got vnd het ich von dir den gewalt das ich möcht verstossen in von der grossen wunne So möcht ich in gantzen fröiden werden alt helfent alle bitten mir got das ers mirs gunne das der selbe túvel wert gelêtzet vnd ich wert an sine stat gesetzet so bin ich mis leides wol vrgetzet