Mit urlǒb wil ich scheiden vō dem lande

Mit urlǒb wil ich scheiden vō dem lande hertz vn̄ můt das las ich ir ze pfande sin vn̄ gedank die wên von ir nit scheiden si sint ir bi mit steteklichen trúwen das ist also vn̄ sol mich doch nit rúwen vn̄ für ich vō den kristan zv̊ den heiden so wil ich doch ir diner sin dú mich da twinget her· vō kindes iugent ich wil der lieben vrǒwen min mit willen dienen dur ir wiplich tugent wie si mich hat berǒbet· můt· vnd der sinnen gar ich nîg al dar das můs mir sin erlǒbet wie verre ich von den landen var