Mich iamert vs der mâsse

Mich iamert vs der mâsse nach der vil lieben vrǒwen min got alle die verwasse dur die ich schúchen můs ir wiplich zartes bilde ir múndel rot ir wengel schin sol mir das wesen wilde da bi ir frúntlich grůs ir kinne ir kel ir goltvar har ir hênde ir arme blanch ir lip ir nas ir ǒgen clar sol ich das lange miden so můs ich kūber liden vnd wirt an fröiden kranch