Ein kuslich mvnt zwei rosevarwe wange

Ein kuslich mvnt zwei rosevarwe wange hant min ǒge ersehen des diene ich ir mit minem núwen sange dar zv̊ so mv̊z ich iehen dc ich bin ir eigen wil dú liebe gv̊te herzeliebe an mir erzeigen sost mir wol geschehen

Vil schone wib nv dvs durh din ere la mich niht langer gern vnd kvnde ich vil so sprêche ich doh niht mere wan dv solt mich gewern des ich gegen dir sinne ich bin so vro wirt mir din hohgeloptiv minne dú kan fröide bern

Vil gůtes wib la mich niht so verderben wand ich dir heiles gan min herze mv̊z nah dinen minnen sterben dc bringe ich niemer dan es en welle da beliben ich dien dir in dem herzen min vor allen wiben swc ich dienen kan