Stête wc ie ein tvgent

Stête wc ie ein tvgent dú höhste der ie man pflag beide in alter vnd ǒch in ivgent nv schadet si mir mangen tag schedeliche gegen einem wibe wie sol ich dar vmbe werben mv̊z ich von miner stete verderben han ich den schaden der ist doh lobebere bedenke frowe dise swere so dc ich bi fröiden belibe

Si sagent dc niht herter si vnder allen dingen danne ein adamant so spriche aber ich da bi wer in miner frowen mv̊t bekant dem iehen si der herte vúr in swc ich ie getete min dienst vnd min bette so wc si herte nach ir sitte nv ratent ob ich si lange bitte minú iar sint da hin