Herre wenne sol ich si sehen

Herre wenne sol ich si sehen dú mir den lip betwungen hat ine getars vor gotte niht veriehen alse kvmberlich vnd es mir stat Jch habtes gerne gv̊ten rat wie ich zer schonen solte komen dú mir die sinne hat benomen ir mvnt ist rot ine gerúwe ir an ir arme so bin ich tot

Io fröwe ich mich der lieben zit dú vns da nahet zallen tagen die vogel singent enwider strit si hant verlazen gar ir klagen ich wil iv gütú mere sagen ich horte die nahtegal wol singen min herze mv̊s nach fröiden ringen si ist so gv̊t Minne dv maht mich bas betwingen· danne ieman tůt

Des dienstes duhte mich vil kleinen den ich der schonen han getan vnd wolte sis mit trúwen meinen so wêr ich ein selig man si mag mich wol zetode slan vnd doch da bi vil schone vf halden min herze mv̊s in fröiden alden si ist so gv̊t Minne dv maht mich bc betwingen danne ieman tůt