Bons dieux, qui la voyez pensivement blesmie

Bons dieux, qui la voyez pensiuemẽt blesmie, Marchant à pas comptez, les yeux fichez en bas, N’escoutés la mauuaise, elle tẽd des appac, Des gluaux & des rets pour me priuer de vie :  Cent mille Amours legers lui tiennent compagnie Aiguisans dans ses yeux l’ardeur de leurs combas : Bons dieux, desarmez-la, ou ne l’escoutez pas, Priuez-la de pouuoir ou bien de tyrannie.  Mais si par cy apres tendre à mon amitié Elle arrouse mon feu de l’eau de sa pitié, Bons Dieux ne destournez arriere vostre face :  Que si la cruauté s’affermit dans son cœur, Punissez son desdain d’vne iuste rigueur.  Qui n’a pitié d’autrui, ne merite point grace.

A. D. V.