Helas ! on ne meurt point d'un tres-grand desplaisir

 HElas ! on ne meurt point d’un tres-grand desplaisir ; Si on mouroit de dueil, i’auroi perdu la vie, Desoubs l’aigre douleur dont mon ame est suivie : Mais on meurt pour certain d’vn extréme plaisir :  Belle, puis que ma mort est vostre seul desir, Fauorisez un peu ma pauure ame rauie, Et soudain ie mourrai pour suiure vostre enuie, Soubs l’extresme plaisir qui me viendra saisir :  Mais quand ie serai mort moderez vostre ioye, De peur que la mort palle en vous faisant sa proie Ne me fist de regret reviure en mon tombeau :  Ie serois vn Phœnix renaissant de moi-mesme, Qui d’vn bec furieux ouurirois mon sein blesme, Faict sur votre cercueil vn Pelican nouueau.

A. D. V.