Je couve dans mon sein un Océan de pleurs

Ie couue dans mon sein vn Ocean de pleurs, Vne Aetne de sanglots, vne Thrace de charmes, Vn Ilion de feux, vne France d’alarmes, Vn deluge de sang ; vn Enfer de mal-heurs :  Et s’efclos de ces œufs mille affamez voleurs, Esguisans sur mon flanc les crochets de leurs armes, Et plongeans leurs cerceaux aux ruisseaux de mes larmes Qui me seruent de plume & d’encre en mes douleurs :  Verrai-ie, Richelet, ceste fiere nichée, S’enuoler de mon sein emportant la bechée De mon cœur deschiré en autant de morceaux ?  Et puis vn autre cœur s’esleuer en sa place, Qui sage pour iamais ne couue iamais race, Qui soit pour luy donner tant de viuants tombeaux ?

A. D. V.