Voz yeux plus prompts qu’esclairs, plus subtils que la foudre

Voz yeux plus prompts qu’esclairs, plus subtils que le foudre,  Plus beaux que le Soleil, pls parfaits que les Cieux :  Plus forts que la Nature, & plus grands que les Dieux,  Sont les buchers ardents qui me mettent en pouldre : Or pouldre de voz yeux vous me verrez dissouldre  En atomes biâisans par le vuide ocieux,  Puis assembler par sort vn rond harmonieux,  Grand monde esclos d’vn corps qu’on avoit veu resouldre Lors ce tout estonné d’un compagnon si beau,  Ouurira de regret le Cahos son tombeau,  Et s’enseuelissant perdra votre memoire : Belle, ne craignez point, si mon embrasement  Me peut rendre immortel, vn seul embrassement  Vous peut rendre immortelle au monde de ma gloire.

A. D. V.