Un jour mon beau soleil miroit sa tresse blonde

Vn iour mon beau soleil miroit sa tresse blonde, Aux rais du grand Soleil qui n’a point de pareil : Le grand Soleil aussi miroit son teint vermeil, Au Ray de mon Soleil que nul ray ne seconde :  Mon Soleil au Soleil estoit Soleil & onde : Le grand Soleil estoit son onde et son Soleil : Le Soleil se disoit le Soleil nompareil : Mon Soleil se disoit le seul Soleil du monde :  Soleils ardants laissez ces bruicts cententieux, L’vn est Soleil en terre & l’autre luit aux Cieux ; L’vn est Soleil des corps, l’autre Soleil de l’ame :  Mais si vous desbattez, Soleils, qui de vous deux, Est Soleil plus luisant & plus puissant de feux, Soleil tes iours sont nuicts comparés à Madame.

A. D. V.