Transporté je voyais l’astre de la grande voute

Transporté ie voyoy l’astre de la grand voute, Qui vous disoit ainsi ie vous cede les Cieux, Allumez tout ce tout d’vne nouvelle route, Aussi bien mes clartés ne viuent qu’en voz yeux :  Que dis-tu grand Soleil pere de la lumiere, Tu vis iadis ton fils hautement foudroyé, Pour secourir la terre esleuant sa priere ; Mais si ces yeux brillans montent sur ta carriere, L’Vniuers sans secours en sera poudroyé.

A. D. V.