Tout ainsi puissiez-vous, rigoureuse beauté

 Tovt ainsi puissiez-vous, rigoureuse beauté, Conseruer par cent ans le teint de vostre face, Que le lis & l’œillet y prenne tousiours place, Que l’or de vostre chef ne soit onc argenté,  Et qu’encor ce bel œil dont ie suis agité Ne ternisse iamais le feu de son audace, Comme ie gaignerai le bien de vostre grace, Adoucissant le fiel de vostre cruauté.  Que ie crains qu’vn mosqueur vueille un iour entreprendre De dire en se gaussant, voi ton flambeau en cendre ; La beauté est un bien qui dure peu de iours.  Voulez-vous bien punir & le ris & l’enuie, Amollissez un peu le tyran de ma vie, Et ie vous fai vn astre esclairant à tousiours.

A. D. V.