Per le Fauste Nozze Michele Menardi e Marietta De Gaspari

Spose, Anquoi che el voto ardente Del Voš core l’ è compì, In što dì che finalmente Pronuncià avè el gran Si,

Anche io, se se contente Un Eviva Ve voi fei, Senza tante complimente, A ra bona, meo ch’ el sei,

Ho! l’ è ca co ra so rimes Calchedun el me dirà, Te pos tase in su ra primes, Šti por spose, lassa stà

Ašto adess mo da te mete, Ch’ iè štracche che mai pì Ch’ i no pensa poverete, Che al momento de s’ in zi!

Crede pur, no i è contente, Ti feš solo šbadeà, Io t’ el digo francamente I to verse lassa là

El sei ben, no štento el crede, Avé duta ra rašon, Ma, šti Spose cò se vede, Ci de tase elo mai bon

Anzi per chešto, Allolo adess Fajoni un viva, Coi gote pies

Ch’ i see felice Zent’ ane e pi, Alegre sempre Come in što di

Che ra so vita, See duta un fior, Per sempre unide Da vero amor

E can pi tarde Tempo sarà, Viene un bel Pizzo, Ai rallegrà