Cxxviii. [P. 74]

Item, je donne à Basanyer, Notaire et greffier criminel, De giroffle plain ung panyer, Prins chez maistre Jehan de Ruel. Tant à Mautainct; tant à Rosnel; Et, avec ce don de giroffle, Servir, de cueur gent et ysnel, Le seigneur qui sert sainct Cristofle,

CXXIX.

Auquel ceste Ballade donne, Pour sa dame, qui tous biens a. S'Amour ainsi tous ne guerdonne, Je ne m'esbahys de cela; Car au Pas conquesté celle a Que tint René, roy de Cecille, Où si bien fist et peu parla Qu'oncques Hector feit, ne Troïle.