La Repue franche

« Qui n’a or, ny argent, ny gaige, Comment peult-il faire grant chère ? Il fault qu’il vive d’avantaige : La façon en est coustumière. Sçaurions-nous trouver la manière De tromper quelqu’ung, pour repaistre ? ................. Qui le fera sera bon maistre ! »

Ainsi parloyent les compaignons Du bon maistre Françoys Villon, Qui n’avoient vaillant deux ongnons, Tentes, tapis, ne pavillon. Il leur dit : « Ne nous soucions, Car, aujourd’huy, sans nul deffault, Pain, vin, et viande, à grant foyson, Aurez, avec du rost tout chault. »