Do ir versagen mir so nahe gie

Do ir versagen mir so nahe gie do dahte ich des ob ich nahen were dc ich vergesse ein teil miner swere do hůb sich erst dú not an mir mich getwanc dú minne harter nach ir danne si tet ze súrie in dem lande da bi ich rehte an mir selben erkande dc ich des niemer enpfliehen kan ich ensi ir stete als do ich sin erst began do ich mit trúwen dc herze an si wande

Wil si dc ich von ir scheide· den mv̊t vnd min herze von ir minnen kere so sol si lassen ir schöne vnd ir ere ob si der beider verzihen wil sich da mit mag si von ir scheiden mich swar so dc keret so mv̊s ich beliben vnd iemer dienen dar vor allen wiben were der schonen min dienst so leit als si nv lange mir habita hat geseit so möhte si mich wol von ir triben