Rondeau 8 (ATout iamais d’un vouloir immuable…)

ATout iamais d’un vouloir immuable La vueil seruir comme la plus notable Qui soit viuant, & du plus beau maintiẽ La raison est, car son cueur & le mien Ne soit plus que vng par vng vouloir semblable

Elle voiant mon mal estre importable M’a dit ce mot qui tant m’est aggreable. Mon cueur auez, & le vostre retien. A tout iamais. Seroys ie pas doncques bien miserable D’estre vers luy traistre ne variable Consideré le plaisant entretien Qu’elle m’a faict? ie seruiray si bien Que (de ma part) l’amour sera durable. A tout iamais.