D’auoir esgard a l’honneur

DEuant voz yeulx Dames ayez honneur: Et si voullez paruenir a bon heur, Ne faictez riẽs que ne voullez qu’on saiche Car il n’est feu quelque part qu’on le cache Dont il ne sorte ou fumee, ou challeur.

Craignez vng Dieu, honnorez vng seigneur Faictes la sourde a tout grant blasonneur Et ne souffrez iamais faire vng tout lasche. Deuant voz yeulx. Donnez ou fault, & fuyez le donneur: Car le donnant oblige le preneur. Et gardez bien que la vilaine tache D’ingratitude en voz cueurs ne s’atache Car il n’en peult venir que deshonneur. Deuant voz yeulx.