De bien faire durant la vie

APres la Mort n’est seurte de querir Remedde aucun pour l’ame secourir: Dont faire fault telles œuures tousiours Que dure Mort nous vient prandre & saisir.

Dames d’honneur tastez donc conquerir Toutes vertus, tant qu’ilz facent florir Voz beaulx espritz aux celestines cours Apres la mort Que veult on plus en ce monde acquerir Que bon renom, bien viure, & bien mourir? Puys qu’a la fin de ce mortel decours Toꝰ humains n’ont qu’a Iesuchrist recours Pour les garder de tout mal encourir Apres la mort