De Constance

SAns varier moins que le Polle Articque Doit la Dame estre, & de cueur pacifique Porter en paix les grãs hurtz de Fortune Se bien luy vient, ou malheur l’Importune, N’en soi ioyeuse, ou plus melencolicque

Contre bon heur constance a soy applicque Puys de Force ayt la vertu magnificque Pour tollerer toute griefue infortune Sans varier. Le Polle est fixe, & le ciel erraticque Semblablement tout trezor terrificque Va, & puys vient, ainsi que faict la Lune Mais cueur constant n’en a ioye ou rancune Se monstrant Polle enuers Fortune inicque Sans varier.