D’euiter Oisiuete

PLus que poison fuyez le dur meschef D’oisiuete: car c’est la porte & clef De tous pechez, sans en excepter vng Ainsi le dit feu Maistre Iehan de Meung En son viuant des Poetes le chef

Dames portans autour ou couurechief Si vous voulez d’honneur venir a chef Dechassez la: car ce vous est aigrun Plus que poison. Comme les vens singlans en voille & tref Font nauffraiger souuent le pouure nef, Oisiuete a vent tant importun Que s’elle attainct les membres de quelqun, Percluz les rend par vng coup rudde & grief. Plus que poison