Nv haben wir gewechselt wol

Nv haben wir gewechselt wol wir haben leit gegebin vmb hohen můt vns te e· winter sorgen vol nu mag man frölich· leben den sumer gůt man sicht so mange schöne so höret man der voglin süssen döne ach solte ich gan mit minem liebe wolgetan an ein heinliche grüne ...

So breche ich lǒb gras viol kle ich wolte ein bette machen von schoner var die wanger stolz von camandre dc cult manger sachen von blůmen schar so spreche ich lieb nu schowe das bette fin vil minnenklichú frowe nu růche dc mir zerge senlicher pin ich vúrchte das si spreche des mag nicht sin

Doch wolte ich vmbeuahen si wer wolte mich des wenden da wêr nieman so wurde ich lichte sorgen fri sin möchte mit linden henden min nicht erslan wir müstin lichte ringen so solte ich wol hin an dc bette si swingen so wurde es vol der wunnen der ich wúnschen sol wan ich ir stêtes frömde so kume dol