Vs roſen bꝛēnet man ein waſſer ſo man dc gemeret

Vs roſen bꝛēnet man ein waſſer ſo man dc gemeret· vn̄ einen valſchē tropfen anders waſſers dꝛin gereret· ſa zehant v̾keret· ſin varwe ſich in truͤbē ſchin· dis waſſer ich geliche wol rilich̾ eren fluͤte· die man da bꝛennet vs des edelen h̾zen tvgende blvͤte· mit des fúres gluͤte· dc im dv́ ſcham enzúndet dꝛin· ere iſt alſo luterlich geverwet vn̄ ſo rehte clar· ob man ſo túre als vmb ein har· valſchheite dꝛvnder miſchet· dc ir dvrhlúhteklicher ſchin ſich trvͤbet vn̄ erliſchet· mit gvnt̾feite man ſi niht gemeret noch erfriſchet· ere den v̾wiſchet· der niht ir luter frúnt kan ſin·