Vúr alle fůge iſt edel ſang getúret vn̄ geheret

Vúr alle fůge iſt edel ſang getúret vn̄ geheret· dar vmbe dc er ſich vō nihte bꝛeitet vn̄ meret· ellú kvnſt geleret· mac werdē ſchone mit v̾nvnſt· wā dc niemā gelernē kan rede vn̄ gedoͤne ſingē· dú beide mvͤſſent vō in ſelben wahſē vn̄ entſpꝛingē· vs dē h̾zen klingē· mv̊ſ ir begin vō gottes gvnſt· and̾ fůge durfē alle rates vn̄ gezúges wol ſw̾ ſi triben rehte ſol· d̾ mv̊s hā das gerúſte· da mit er ſi vol ende nach der lúte můt gelúſte· ſon darf d̾ ſang niht helſe wā der zvngē vn̄ d̾ bꝛúſte· ſvnd̾ valſche akúſte· get er da von vúr alle kvnſt·