Vúr alle fůge ist edel sang getúret vnd geheret

Vúr alle fůge ist edel sang getúret vnd geheret· dar vmbe dc er sich von nihte breitet vnd meret· ellú kvnst geleret· mac werden schone mit vernvnst· wan dc nieman gelernen kan rede vnd gedoͤne singen· dú beide mvͤssent von in selben wahsen vnd entspringen· vs den herzen klingen· mv̊s ir begin von gottes gvnst· ander fůge durfen alle rates vnd gezúges wol swer si triben rehte sol· der mv̊s han das gerúste· da mit er si vol ende nach der lúte můt gelúste· son darf der sang niht helse wan der zvngen vnd der brúste· svnder valsche akúste· get er da von vúr alle kvnst·