Vs rosen brennet man ein wasser so man dc gemeret

Vs rosen brennet man ein wasser so man dc gemeret· vnd einen valschen tropfen anders wassers drin gereret· sa zehant verkeret· sin varwe sich in truͤben schin· dis wasser ich geliche wol rilicher eren fluͤte· die man da brennet vs des edelen herzen tvgende blvͤte· mit des fúres gluͤte· dc im dv́ scham enzúndet drin· ere ist also luterlich geverwet vnd so rehte clar· ob man so túre als vmb ein har· valschheite drvnder mischet· dc ir dvrhlúhteklicher schin sich trvͤbet vnd erlischet· mit gvnterfeite man si niht gemeret noch erfrischet· ere den verwischet· der niht ir luter frúnt kan sin·