Ein altú dv́ begvnde springē

Ein altú dv́ begvnde springē hoh alsam ein kitz enbor si wolde blv̊mē bringen tohter reich mir min gewāt ich mv̊s an des knappē hant der ist vō rúwētal genant Traranvretv̄ traranvrirūt vn̄ eie

Mv̊ter ir hütet úwer sīne er ist ein knappe so gemv̊t er pfliget niht steter minne Tohter lat ir mich annot ich weis wol was er mir enbot nach siner mīne so bin ich tot Traranvretv̄ traranvrirūt vn̄ eie

Do sprach es ein altú in ir geile trut gespil wol dan mit mir ia ergat es vns zeheile wir svln beide nach blv̊mē gan warvmbe solt ich hie bestan sit ich so vil geverten han Traranvretv̄ traranvrirūt vn̄ eie