« L’on se trompe, anciens, d’écrire qu’en votre âge »

L’ On se trompe, anciens, d’écrire qu’en vostre âge L’amour n’auoit point d’yeux , il en auoit deux beaux : Mais vous n’auez pas veu ces celestes flambeaux, Desquels depuis vint ans il a perdu l’vsage :

Amoureux, aprenez comment ce dieu volage Voulut perdre le feu de ces astres gemeaux : Ne blámez mes discours pour estre trop nouueaux, Philis a de mes vers le viuant témoignage.

Lors que Philis nâquit, pour l’orner de beauté, Chaque Dieu d’vn rayon de sa diuinité, Fauorisa le point de sa belle naissance.

Mais voulant surpasser l’effort de leur puissance, Pour luy faire vn present, Cupidon aima mieux En deuenir aueugle, & luy donner ses yeux.