« Je disais l’autre jour ma peine et ma tristesse »

Ie disoy l’autre iour ma peine & ma tristesse Sur le bord sablonneux d’vn ruisseau, dont le cours Murmurant, s’accordoit au langoureux discours Que ie faisois assis proche de ma maîtresse.

L’occasion lui fit trouuer vne finesse ; Siluandre (me dit-elle) objet de mes amours, Afin de t’assurer que i’aimeray tousiours, Ma main dessus cette eau t’en signe la promesse.

Ie creu tout aussi-tost que ces divins sermens, Commençant mon bonheur, finiroient mes tourmens, Et qu’enfin ie serois le plus heureux du monde.

Mais, ô pauure innocent, de quoy faisoy-ie cas, Estant dessus le sable elle escrivoit sur l’onde, Afin que ses sermens ne l’obligeassent pas.