Le Respect tyrannique

IL n’est point de tourment pareil à mon martire, Vn Obiect tout Diuin me force à l’adorer ; Et le voulant seruir, ie voy que ie desire Des honneurs qu’vn mortel ne doit pas esperer.

Qu’est-ce qu’en ma douleur ie puis deliberer, Lors que traictant mon Ame auec vn mesme Empire, L’Amour & le respect de peuuent endurer Que ie cele mon mal, ny que ie l’ose dire ?

Dans les extremitez de ceste paßion Dont l’ardeur est esgale à la discretion, Appren moy ma Raison, quel conseil ie dois suiure ?

Sans espoir de secours ie souffre nuict & iour, Et quand ie veux mourir, ie suis contraint de viure De crainte que ma mort parle de mon amour.