Le Vol trop hautain

C’EST trop d’oser aimer vne Diuinité, Gardons de souspirer parmy la violence ; Il faut que mon respect par vn profond silence Responde à la grandeur de ma fidelité.

Obiect digne & charmant, mais plein de cruauté, I’ay seruy sans espoir, ie meurs sans repentance, Et l’on peut me nommer vn Phenix en constance Que prend pour sa victime vn Soleil en beauté.

Ô merueille d’Amour, produite pour ta gloire Dont tu dois pour le moins conseruer la memoire Si tu n’es obligee à regretter mon Sort.

Ie donne tous mes soins, & n’en veux rien attendre, On n’a point sceu mon mal, & ie me trouue mort, On n’a point veu ma flame, & ie suis tout en cendre.