Les Complaisances

IE veux que le Ciel en couroux M’acable d’vn coup de Tonnerre Si ie cognois rien sur la Terre Qui soit charmant au prix de vous.

Ie croy qu’Amour estoit moins beau Ayant débroüillé toutes choses, Lors qu’il dormoit dessus les Roses Dont Venus luy fit vn berceau.

Ô que vostre bouche a d’apas ! Que de charmes elle descouure, Soit quand il aduient qu’elle s’ouure, Soit quand elle ne s’ouure pas !

Elle peut bien interesser Tous les Seigneurs de ces Prouinces : Ie doute mesme, si des Princes Seroient dignes de la presser.