En courant sur la terre et flottant dessus l’eau

 En courant sur la terre & flottant dessus l’eau, I’ai raui pour mon bien l’autheur de mon supplice, Prenant l’or de Tholose & le thresor d’Vlisse Dont l’vn est mon orage & l’autre mon tombeau.  O ! n eusse-ie point veu ce bel Astre iumeau, Qui donne tant de feux à mon long sacrifice ! Ie ne seroi marqué d’vn hideux precipice, Et mon flanc ne seroit bequeté d’vn oiseau.  Que ie serois heureux si de ma braise ardante Sortost posterité qui eust ame viuante, Comme du vif charbon des filles d’Orion ;  Et si un Phenisseau reuiuoit de ma cendre, L’vn chanteroit ma mort, l’autre feroit entendre A la posterité ma fiere paßion.

A. D. V.