Enseveli tout vif dans ma peine cruelle

Enseueli tout vif dans ma peine cruelle, Ie vay trainant sans fin le tõbeau de ma voix, Qui respond aux fureurs d’Amour qui me bourrelle : Echo respond ainsi au bucheron des bois :  Mais ne me voi-ie pas ainsi qu’vne ombre blesme, Qui me suit en tous lieux seruante de douleurs : Non, non, je suis plustost en ma douleur extreme, Vn mort vif, vn vif mort, ou plustost le rien mesme : Car le rien, comme on dict, est malheur des malheurs.

A. D. V.