Je suis un mont Gibel dont la poictrine espreuve

 Ie suis vn mont Gibel dont la poictrine espreuve Mille brasiers ardens qui partent de voz yeux : Si ie ne suis vouté d’un front audacieux, I’ai le penser plus hault que rocher qui se treuue :  Ie suis cest Astre clair qui d’vne face neuue Denonce aux fiers humains la cholere des Cieux : Si ie n’ai le teint rouge, ardent & radieux, I’ai le cœur plus flambant que l’or en son espreuue.  Ie suis un grand Soleil aimant vniquement, Et si n’ai autre Ciel pour mon prompt mouuement, Que l’espoir d’estre ioinct à ma rouë amoureuse :  Non, ie suis un démon trébuschant par les airs, Qui vois bien en tombant l’abysme où ie me pers ; Mais ie ne puis regir mon ame mal-heureuse.

A. D. V.